寻找老兄弟原创徐琏海上梦叠

来源：新民晚报

作者：徐琏

改写：周红缨

讲述：周月英

审阅、推荐：丁迪蒙

编辑：王乙其

四十多年前个一个冬天，祖父突然之间中风了，虽然救过来了，但是留下了严重个后遗症，讲闲话含糊勿清，右半身完全失去了知觉。祖母年纪大了。我个父母侪勒远方工作。我呢，刚刚踏上社会，参加工作呒没多少辰光，啥人来照顾老人，我急得来暗暗叫流眼泪。

有日早浪向，我勒后头个院子里汏衣裳，邻居小辉跑过来搭我讲，我姆妈帮侬介绍了“帮忙人”，就是护工啦，已经到侬屋里了。我快点奔到屋里去。一个十七八岁个男青年，坐勒只小矮凳浪，看见我进来，抬头勿好意思个笑笑。看伊长得蛮登样个，我心里有点怀疑，伊真个愿意照顾一个呒没一点血缘关系并且半身瘫痪个老人？迭个辰光，祖父勒床浪向哼了一声，小青年毫勿迟疑立起来，走到床边头拿起了痰盂罐。从此，我多了个兄弟，搭我一道尽心尽力个服侍老人。

兄弟名字叫明伦，欢喜唱戏。勒八只样板戏垄断舞台个年月里，阿拉屋里可以听到一种从来也呒没听到过个戏剧，明伦搭我讲，伊是绍兴人，伊唱个是家乡戏越剧。有趟，伊从贴身个袋袋里拿出来一张剧照，指勒当中撑拐杖个老太太，讲迭个是伊个姆妈，扮演《红楼梦》里向个贾母。然后，叹口气讲，姆妈现在勿演戏了，下放到此地个工厂里做生活。原来，明伦出来做帮工，也是生活所迫。尽管苦、尽管吃力，但明伦始终是乐观个。

祖父去世以后，明伦回家乡了，从此就再也呒没伊个消息。过了呒没多少辰光，我考大学，离开家乡了。曾经听明伦讲过，伊要做越剧演员。我坚信，一个可以吃苦个人是勿会轻易讲放弃个。一直以来，我欢喜越剧，我希望寻找到曾经用年轻个臂膀为我个屋里撑起一片天，帮助我渡过难关个兄弟。

“喔，亲爱个好兄弟亲兄弟，下辈子还要搭侬做兄弟。”

作者：徐琏

诵读者：周月英

——————————————————

丁迪蒙

迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。

沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。

沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。

丁迪蒙所撰写的，与沪语相关的著作主要有：

《学说上海话》上海科技文献出版社

《听听说说上海话》少年儿童出版社

《实用沪语》复旦大学出版社

《上海话绕口令》少年儿童出版社

《上海方言词语使用手册》上海教育出版社

《上海话读成语故事》少年儿童出版社

《囡囡学童谣》，少年儿童出版社

《囡囡学成语》，少年儿童出版社

原标题：《寻找老兄弟》